Ад бадали ваъ, хъа дугъриданна
Зубайдат Шябанова Гьякьикьи мялим-насигьятчи - думу цIийи мумкинвалар рякъюз бицIирин, живандин, жигьилин улар арццрайи, жвуву гъабхурайи ляхникан фикрариъ шаклувал шулайи вахтна, гьевеслу апIури, улихь гъягъюз кюмек туврайи инсан ву. Иллагьки гьацдар насигьятчйир гъи вари Урусатдин «Ад бадали ваъ, хъа дугъриданна» кlуру конкурсди кIакIначи мялимар сатIи апIура. Думу конкурсдин полуфиналарикан саб 16-19-пи июли Волгоград шагьриъ кIули гъубшну.
Зубайдат Шябанова
Гьякьикьи мялим-насигьятчи - думу цIийи мумкинвалар рякъюз бицIирин, живандин, жигьилин улар арццрайи, жвуву гъабхурайи ляхникан фикрариъ шаклувал шулайи вахтна, гьевеслу апIури, улихь гъягъюз кюмек туврайи инсан ву. Иллагьки гьацдар насигьятчйир гъи вари Урусатдин «Ад бадали ваъ, хъа дугъриданна» кlуру конкурсди кIакIначи мялимар сатIи апIура. Думу конкурсдин полуфиналарикан саб 16-19-пи июли Волгоград шагьриъ кIули гъубшну.
Конкурсдин полуфиналиъ Табасаран райондин Хючна гъулан I-пи нумрайин лицейин мялимар Замира Аьзизова ва Марьям Гагаева «Тажрубалу регьбер» номинацияйиъ иштирак гъахьну.
Къайд апIуз ккундучуз, конкурс 2024-пи йисхъанмина РФ-дин Президент Владимир Путиндин табшуругъниинди «Ухьу сатIи вухьа» кlуру федеральный ва «Жигьилар ва бицIидар» кlуру милли проектарин дахилнаъди гъабхурайиб ву.
Дидин асас метлеб кlакlначи мялимарин ляхин мюгькам ва яркьу апIуб, жигьиларихьди жвуван мумкинвалар арццуз рякъ улупурайидариз кюмек тувуб ву.
Уьлкейиъ аьхиримжи шубуд йисан жигьиларин политикайиъ му конкурс аьхю проектарикан саб дубхьна. Магьа гьаму йисан конкурсдиъ иштирак хьуз уьлкейин 89 региондиан 80 агъзуртIан артухъ заявкйир гъафну. Хайлин этапариъ гъубху ляхнин натижайиъ экспертарин советди 2000 полуфиналист гъядягъну.
Волгограддиъ гъубху полуфинал аьхю серенжем гъабхьну. Мина 60-тIан артухъ регионариан иштиракчйир уч гъахьнийи. Дурарин арайиъ жигьиларихъди ва живанарихъди ляхин гъабхурайи образованиейин, жигьиларин, яракьлу кьувватарин, дявдин гьяракатарин ветеранарин тешкилатарин ва идарйирин вакилар айи.
«Му полуфиналиъ Замира – кьюбпи, хъа узу сабпи ражари иштирак шулайидар вуча. Замирайиз конкурсдикан бегьемди мялуматар айи, ва дидиъ иштирак хьуз йиз гьевес за гъапIурра думу ву. Ич кьюриддин проектарра экспертариз кьабул гъахьну. Замирайихъди конкурсариъ сатIиди иштирак шули сабпи раж дарич. Конкурсариъ иштирак хьували жара мялимарин ва насигьятчйирин тажрубайихъди, бажаранваларихъди таниш хьували, жвуван мумкинвалариз экспертари кьимат тувували ва цIийи проектарикан мялуматар гъадагъували ич педагогвалин ляхниз аьхю кюмек тувра. Конкурсдиъ экспертари учуз гьарсариз жа-жаради цIийи проектар ва табшуругъар тувра. Замирайиз туву проект ялгъузди веледар тербияламиш апIурайи бабкан ва уьмриъ алахьурайи читинваларикан вуйи. Экспертариз дугъу, гьациб агьвалатнаъ жвуву гьапIну кккундуш, ктибтну. Хъа узуз туву проектдин ляхин гъагъи хасият хъайи живанариз бахш дапIнайиб вуйи. Ич кьюриддин ляхнариз экспертари заан кьиматар тувнийи. Хъа финализ фуж удучIвуруш, август вазлитIн мялум шулдар», – ктибтну ич сюгьбатнаъ Марьям Гагаевайи.
Дугъриданна, конкурс образованиейин гьякьикьи майдандиз дюнмиш гъабхьнийи. Иштиракчйири экспертариз чпин проектар улупбалан ва дурарихъди сюгьбатар гъахбалан гъайри, дурар лекцйириъ, мастер-классариъ, командайин дахилнаъди проектдин ляхин гъабхбариъра иштирак гъахьну, Урусатдин Игитарихъди, жямяаьтлугъ касарихъди, жигьиларин политикайиан вуйи экспертарихъди гюрюшмиш гъахьну ва Волгограддин тарихи йишвариина экскурсйириз гъушну/