Наргиз Гюлечова 

21-пи октябри республикайин культурайинна чIаларин йигъаз бахш вуди, Дагъустандин гьюкуматдин педагогвалин университетдиъ бабан чIалариинди вуйи диктант кIули гъубшну. Дидин тешкилатчйир РД-йин милли политикайинна диндин ляхнариз лигру министерствова ДГПУ-йин дагъустандин филологияйин факультет вуйи.  

Диктант бикIбаъ Дагъустандин 11 чIалнаан 300-тIан артухъ касар иштирак гъахьнийи. Гьадрарин арайиъ, гьюрматнан хяларси, студентарра, спортсменарра айи.
Табасаран чIалназ жара дапIнайи аудиторияйиз диктант бикIуз саки 40 каскьан дуфнайи. Диктантдин текст Эфенди Къапиевдин «Разведчик» кIуру эсериан вуйи ва думу гъурхур ДГПУ-
Диктант бикIбаъ Дагъустандин 11 чIалнаан 300-тIан артухъ касар иштирак гъахьнийи. Гьадрарин арайиъ, гьюрматнан хяларси, студентарра, спортсменарра айи.
Табасаран чIалназ жара дапIнайи аудиторияйиз диктант бикIуз саки 40 каскьан дуфнайи. Диктантдин текст Эфенди Къапиевдин «Разведчик» кIуру эсериан вуйи ва думу гъурхур ДГПУ-йин дагъустандин филологияйин факультетдиъ табасаран чIал киврайи мялим Аьшуряли Аьдилов вуйи.
Аудиторияйиъ диктант бикIурайи вахтна, республикайин милли политикайин министрин вазифйир вахтназди тамам апIурайи Темирлан Абуталимов кIулиъ ади, делегация гъафнийи.
Диктант ккудубкIбалан кьяляхъ университетдин 1-пи мертебайиъ айи аьхю айвандикк мина дуфнайи хялариз яркьу мяракара ачмиш гъапIнийи. Мяракайиъ уч духьнайидарин улихьна удучIвну, Темирлан Абуталимовди дурар Дагъустандин культурайинна чIаларин йигъахъди тебрик гъапIну, дурариз хъуркьувалар ккун гъапIну.
«Дугъриданна, Дагъустан Урусатдиъ варитIан гизаф миллетар сатIиди яшамиш шулайи регион ву. Мушваъ 30-тIан артухъ асул бинайиан айи ва 110-тIан артухъ жара йишвариан чпин культура ва чIал ади дуфнайи халкьар яшамиш шула. Гъи, чIаларихъди вуйи ляхин читин аьгьвалатнаъ айи вахтна, жвуван багъри бабан чIал уьбхюб асас ляхнарикан саб ву.
Гъи Дагъустандин гьюкуматдин педагогвалин университетдиъ гьамкьан касар иштирак духьну, бабан чIалариинди вуйи диктант бикIувалиин гизаф рази гъахьунза. Бабан чIалар артмиш апIбаз артухъ фикир туврайивализ лигну, университетдин кIулиъ айидаризра чухсагъул пуз ккундузуз.
Му терефнаан ухьу хъанара мюгькамди ляхин давам апIбак умуд кивраза», - гъапну вахтназди министрин вазифйир тамам апIурайи Темирлан Абуталимовди