Зубайдат Шябанова

 
Табасаран райондин администрацияйин пресс-гъуллугънаан мялум гъапIганси, 15-пи августди Хючна гъулан аьтрафариин ерлешмиш дубхьнайи Ургур чвуччвун ва сар чуччун гъалайиин хили гъурху халачйирин фестиваль кIули гъябгъиди.

Думу фестиваль тешкил апlбан ва гъабхбан месэлйирин гьякьнаан вуйи сабпи совещание июлин 23-пи йигъан гъабхьну.
Совещаниейиъ Табасаран райондин глава Мягьямед Къурбановди къайд гъапIганси, фестивалин асас метлеб табасаранарин халкьдин кюгьне сяняаьткарвалин тарихи хусусивал, устад халачачйирин ад ва халачйирин аваза уьбхюб ва артухъ апIуб ву.
Фестивалиъ Дагъустандин районарин фольклорин коллективар, халкьдин сяняаьткарваларин устадар иштирак хьиди.
Фестивалин программайиъ халачйирин выставка, халачи убхбаан мастер-классар ва гьацира концертдин аьхю программа хьибди.