Наргиз Гюлечова

 
Дагъустандин рякъяр рас апIуз федеральный бюджетдиан 1 миллиардна 200 миллион манат жара дапIна, хабар тувну республикайин глава Федор Щукинди. Дугъан гафариинди, гьюкуматдин терефнаан деебтурайи му кюмек, республикайин гьюкмари апIурайи ляхнин ужуб натижаси, уьлкейин улихь-кIулихь хьайидарин, гьарсар ватандашдихьна гьюрмат улупури, дурарин рягьятвализна хатIасузвализ туврайи фикир ву. 

«Чухсагъул пуз ккундузуз Урусатдин Правительствойин председатель Михаил Владимирович Мишустиндиз. Гьаму кас кюмек духьну, Дагъустандиз жара дапIнайи дакьатарин кюмекниинди республикайин хайлин рякъяр рас апIиди.
Рякъяр цIийи алаувал – му гьам хатIасузвалиинди больницайиз, мектебдиз гъягъюз туврайи мумкинвал, гьамсан, рякъярин читин месэла гьял апIбиинди, хьадукран вазари табиаьтдин заваликк ккахьу Дагъустандин районар чпи вердиш вуйи уьмрихьна хувалра ву.
Мархьар-селлер дургъну, региондиъ читин аьгьвалат арайиз гъафи йигъарихъанмина, республикайин гьюкмин органарин улихь дивнайи варитIан асас вазифа гьаму вуйи. Рякъяр рас апIбан вари ляхнар вахтниинди ва ужуб ерийиинди кIули гъягъиди. Дурар вари йиз гюзчиваликк кка», – аьлава гъапIнийи Федор Щукинди.