Гюльнара Мягьямедова
Дагъустандин Тахо-Годийин ччвурнахъ хъайи миллетарарин музейиъ бицIидариз культурайин аьгъювалар тувру сяняаьткарвалин «Устар» кIуру центр ачмиш дапIна.

Центр «Хизан» милли проектдин дахилнаъди Урусатдин Федерацияйин культурайин министерствойин кюмекниинди арайиз гъабхиб ву.
БицIидариз вуйи цIийи идарайи баяр-шубариз тарихдинна культурайин ирснахъди, аьдати сяняаьткарвалихъди таниш хьуз, чпиз айи мумкинвалар артмиш апIуз кюмек тувди. Центриъ ругдин гъабар апIбан исскуствойин, гакIвлиан накьишар адатIбан, парчдик Къяйтагъдин накьишар карчбан, шиклар зигбан, палтар дирхбан, халачи убхбан, мурсларикан убгъуз улупбан дарсар тувди.

Миллетдин музейин директор Пахрудин Мягьямедовдин гафариинди, лап багарихьди бицIидариз гьаму жюрейин центр Буйнакск шагьриъра ачмиш апIиди.