Гьарсаб миллетдиз ата-бабйирихьан дуфнайи чан аьдатар айиб ву. Хъа Дагъустандин вари халкьарин хизандин аьдатар саки сабсдар вуди шулу. Гизаф хизанариъ багьалу шей’ар бабхьан – худлиз, дадайихьан – шураз тувру.   Аьхюнуб пай дюшюшариъ, аьдат вуйиганси, кюлфетдин багьалу (гъизилин вая арсран) безегар, савкьатди вуди туву шей’ар хизандиъ гъузбан бадали, швушвариз багъиш апIури шулу. Амма бязи хизанариъ,...

    Байвахтну варибдихъ ицци дад хъипру. Белки, гьаддиз бицIидигандин вахтна итIури гъахьи хурагарин тIяаьм вари уьмриз кIваинди гъубзрайхьиб? Хъа набалугъ йисари улуркьу гьядисйир, гьяйванатдин хамраъ арсу хюрчабнин чIимрарси, кIваъ арсну гъузру. БицIидиган гъулан кючйириъ апIру тамшири туври гъабхьи шадвал, сар-сарихъди бягьсназ удучIвнайивалин аьшкь, амкIухьди гъазанмиш гъапIу гъалибвалин меълишин кIваин гъапIган, жвуван багърумилан дадайин мани...

  «Табасарандин нурар» газат урхурайидар аьхиримжи вахтна газатдин 8-пи машнаъ чап апIурайи табасаран кроссвордарихъди таниш шула. Кроссворд гьязур апIувал рягьят ляхин дар, ва гьарсарихьан думу дюзмиш апIузра шулдар. Хъа ихь ватанагьли Загьирбег Агъабеговди думу бажаранвал ка.   Ккудубшу йисан ноябрин вазлиан мина газатдин саки гьарсаб нумрайиъ учу З. Агъабеговди гьязур гъапIу кроссвордар туврача. Загьирбег Агъабегов...

– Дада, адашдин кIул’ин гьапIуз цIибтIан чIарар алдар?– Дугъу гизаф фикрар апIура. – Хъа яв кIул’ин гьапIуз гизаф кушар илми?– Ккебехъну яв аш ипIин. * * *Кьюр адашди сюгьбат апIура:– Уву яв балин математикайиан вуйи задача гьял гъапIнийва?– Ав.– Ча, йиз балира кпикIуз.   * * *Дадайи шураз кIура:– Гьадму живан увухъди ихь хулаз хъади...

  «Табасарандин нурар» газатдин ккудубшу йисандин аьхиримжи нумрйирикан сабдиъ учу мялум гъапIганси, Роспотребнадзорин Дагъустандиъ айи Управлениейи Дагъустан Республикайиъ сар касдикан тмунурик кучIвру учIру иццрушнар тарагъбан ва гриппдиз аькси вуйи иммунизация тешкил апIбан аьгьвалатниин сикин дарди гюзчивал гъабхура.   Гъийин йигъаз Дагъустан-диъ тарагъру вирусарин учIру уьзрариан агьалйир аьзарлу хьувал эпидемияйиз илтIибкIнадар. Думу жюрейин уьзрариан гъубшу гьяфтайиъ...

Тикди: 1. КIвантIариина утIубччвру кIеш. 2. Арайиъ ислягьвал ади хьувал, албагувал. 3. Тебрик апIуб. 4. Кавказ халкьдин мукьмин алат. 6. ТIиппарин саб жинс. 8. Мутму, шейъ масу гъадабгъру кас. 11. Завуъ уьбхру жвилли руг. 13. Хиял, кьаст. 14. Бистнин мейвйирихъ руг хъапIру алат. 17. Промышленностин тешкилат. 19. ГвачIнинган акв алабхьру вахт. 20. Рукьаз йивру мершв....

  Табасаран райондин Хючна гъулаъ айи культурайин хулан улихь 8-пи январиъ гвачIниан мина хайлин инсанар уч духьнайи. Дурари, салам тувбан кьяляхъ, сар-сариз тебрик апIури, уьру бафтайиинди дабалгнайи ва дараматдин улихь дебккнайи машин улупури, «Гьаму вуйин?», – кIури гьерхри ва «Маншалагь!» пувалиинди чпин разивал ашкар апIурайи. Клубдин дегьлиздикк арчулну терефнаъ кьюр-шубур жигьили гьар учIвуриз столиин дарагънайи...

  Улубкьнайи 2020-пи йисан Хив райондиъ жюрбежюр юбилеяр къаршуламиш апIбан мяракйир хьиди. Саб гъапиб, 1935-пи йисан Хив район арайиз гъафихъан мина цци 23-пи мартдиъ дидин 85 йис тамам шула. Гьелбетда, му важиблу гьядиса заан дережайиъди къайд апIбанди ву.   Кьюб гъапиб, вари уьлкейихъди сабси Хив райондиъра Ватандин Аьхю дяви ккудубкIну Гъалибвалин 75 йис тамам хьувал аьхю...

Ички убхъбиин гьевескар кас айи хизан бахтсуз хизан ву. Гьаммишан гъалмагъал ади, касибвал кади, буржари кагъну айи думу хизанариъ айи дишагьлийир, кьюб рякъюн кьялаъ ахъну, наанди лик дивруш аьгъдарди, пашманвалиан русвагьди шулу.   Думу рякъяр варидариз мялум ву: саб – абайин хал, хъа тмунуб – жвуван веледарихъди пияниска жилирин алчагъ’валар аьгь апIувал. Дишагьлийиз кьюб рякъ...

2020-пи йисан 9-пи январилан 24-пи январизкьан «Дагъустандин Огни шагьур» шагьрин округдин администрацияйи 2019-2024-пи йисари «Дагъустандин Огни шагьур» шагьрин аьтрафариин деврин тIалабариз шартIар» муниципалин программайин дахилнаъди жямяаьтлугъ аьтрафар къайдайиз хувалин гьякьнаан агьалйирихьан теклифар кьабул апIбан ляхин гъабхура.   Муниципалитетдин администрацияйин мялуматарин гъуллугънан вакили ич мухбириз туву хабрариинди, теклифар почтайиъди гьаму адресназ хътауз шулу: РД, Дагъустандин Огни...