Гьаму йигъари РД-йиъ айи МВД-йин наркотикариин гюзчивал гъабхру отделин гъуллугъчйири Мягьячгъала шагьриъ наркотикар масу тувру йишв ачмиш дапIнайи, чан яш 52 йис дубхьнайи дишагьли гъидисну.

 

РД-йин МВД-йин пресс-гъуллугънаан туву мялуматариинди, думу дишагьлийи чан хулар наркотикар ишлетмиш апIру йишваз илтIикIнайи. Къанун уьбхру органарин вакилар дина гъюруган, думу хулариъ наркотикар ишлетмиш апIуз дуфнайи шубур дишагьлира ади гъахьну. Дишагьлийири, наркотикар ишлетмиш апIбан метлеб ади, му хулар чпи кми-кмиди арендайиз гъадагъурайивал тасдикь гъапIнийи.

Мидланра гъайри, къанун уьбхру органарин вакилариз гьяракатнанна агбан серенжемар гъахбан натижайиъ думу хулариъ 21,23 грамм гъагъ ади марихуана ва ишлетмиш апIуз гьязурди дапIнайи, наркотик хъайи 17 шприц гъидихъну.

Тахсиркрар полицияйин отделиз гъахну ва дурариина уголовный дело гъитIибкIну.