Улихьна йигъари полицияйин гъуллугъчйири Дагъустандин Огни шагьриъ яшамиш шулайи дишагьли, масу тувуз ихтияр адру алкоголин сурсат масу туврайи йишв’ин гъидисну кIури, РД-йин МВД-йин пресс-гъуллугънаан мялумат тувра.
Дишагьлийин хусуси тукандиъ ва гараждиъ сертификация дапIну адру аьхю партия алкоголин сурсат кайи штар айиваликан полицияйин гъуллугъчйириз хабар гъабхьну ва дурари думу йишв’ин гъидисну.
Ахтармишар гъахбан кьяляхъ полицияйин вакилариз жюрбежюр ччвурар али 702 бутулка арагъи гъидихъну. Дурарин уьмуми кьимат 245 агъзур манатдиина удубчIвну. Гъубху экспертизайи тасдикь гъапIганси, алкоголин сурсат ГОСТ-дин тIалабариз жаваб туврайиб дайи.
Тахсиркар дишагьли РФ-дин УК-йин 1-пи маддайин 171-пи пайнаан уголовный жавабдарвалихъна хиди. Думу маддайиъ 2 миллиондилан 3 миллиондиина манатдин журум вая шубуд йисазди дустагъ апIувал улупна.
