14-пи апрелиъ вахтназ вуди Дагъустандин Главайин вазифйир тамам апIурайи Сергей Меликовди прямой эфириъ дагъустанлуйирин суалариз жавабар тувди.

 

Хъа суал гъи имиди тувуз мумкинвал а. Учву туврайи суал VoprosMelikovu.ru портализ ясана Инстаграмдин @Agiprd аккаунтдин директдиз хътапIуз шулу. Сесниинди туврайи ва видеойиз адагъу суалар +7-988-637-05-05 номериъ WhatsApp-диз хъадаай. Прямой эфир айи вахтна исихъ тувнайи студия-йиъ айи телефондин номерариз зенг апIуз шулу: (8722)69-44-76; (8722)69-44-87.

Программа «Дагъустан» РГВК-йин, «Дагъустан» ГТРК-йин каналариан улупиди, гьацира http://voprosmelikovu.ru сайтдиъ ва социалин сетариъ тувди.

Садпи йигъан ва йишван Сергей Меликовдин ччвурнахъ 200-тIан артухъ суалар гъафну. Республикайин агьалйири чпин суалариъ гизафси гьяятарин аьтрафар, рякъяр, кючйир къайдайиз хувалин, яшайишдин жюрбежюр пулар тувбан месэл-йир гъитIирккура.