28-пи апрели РД-йин Табасаран райондиъ айи отдели РД-йин МВД-йин 101-йис хьпаз бахш вуйи серенжем тешкил гъапIну.

 

 

Серенжемдин вахтна Табасаран райондин глава Мягьямед Къурбановди Дагъустан республикайин кIулиъ айи Сергей Меликовдин тIалабниинди полицияйин отделиъ лихурайи гъуллугъчйир, чпин ляхин лап дикъатлувалиинди апIурайивализ ва коронавирусдихъди женг гъабхуз кюмек апIувализ лигну, дипломариинди, грамотйириинди ва  пешкешариинди лишанлу гъапIну.

Отделин гъуллугъчйир Артур Гьяжиевдиз, Муса Нурялиевдиз, Мюгьюдин  Халифаевдиз, Юсуф Михралиевдиз, Аьзиз Рамазановдиз, Басир Бедирхановдиз, Мисри Гьяжимурадовдиз, Абутдин Абасовдиз, Рустам Аьлиевдиз, Насрулла Исмаиловдиз, Рамис Умалатовдиз хилихъ хъитIру сяаьтар пешкешди тувну.

«Духтрарихъди сабси полицияйин отделира коронавирусдихъди женг гъабхуз хайлин кюмек гъапIну. Полицияйин гъуллугъчйир гьуркIрадашра, идарйири Роспотребнадзорин тIалабарихъди ляхин гъабхбан бадали, учву хайлин ;жафа гъизигунчва. Инсанар гизаф уч шлу серенжемарра апIури гъахьундар, агьалйир гизаф уч шлу йишварихь маскйир улукIуз гъитували коронавирусдин улихишв гьадабтIуз лап аьхю кюмек тувну», — гъапнийи Мягьямед Къурбановди.

Райондин кIулиъ айири улукьурайи майин машкврарин вахтна райондин агьалйир машкврин сережемариъ архаинди ищтирак хьпан ва дурарин хатIасузвал тямин апIбан бадали полицияйи гъуллугъчйириин гизаф  ляхин алабхърувалра кIваин гъапIнийи.

Табасаран райондин полицияйин отделин начальник Насир Ягъибеговди чан ва полицияйиъ лихурайидарин терефнаан райондин глава Мягьямед Къурбановдиз чпиз ляхниз ужуб кьимат тувувализ  чухсагъул гъапнийи.