Ватандин Аьхю дявдин Гъалибвалин 76 йисаз бахш вуди Хив райондиъ саб жерге серенжемар кIули гъушну.

 

Гьадму гьисабнаан, Ватан-дин азадвал гъюбхю насларин гьюрмат уьбхюри, Урусатдиъ мялум дапIнайи саб жерге ватанпервервалин мяракйирин лишниккди, Хив райондин мектебариъна библиотекйириъ артмиш шулайи наслар рюгьлувалин гьисариккди тербияламиш апIбан ляхин лапра жанлу гъапIну. Гьаци, райондин тешкилатариъ «Георгиевская лента», «Аьжалсуз полк» (онлайн саягъниинди), «Гъалибвалин унчIвар» ва жара серенжемар егинди кIули гъушну.

Живанарин арайиъ футболиан талитарра тешкил гъапIну. Му талитариъ мектебариъ урхурайидари заан иштирак’вал улупну.

Улупнайи талитар Хив райондин гьарсаб дерейиъ гъалибчи тяйин апIбан метлебниинди кIули гъурхну.

Финалин талитариъ гъалибвалин йишваз Асккан АрхътIарин мектебдиъ урхурайидар лайикь гъахьну. 2-пи ва 3-пи йишвар Асккан Ярккарин ва Ккугъарин живанари гъидисну.

Гъалибчи-командйир ва футбол уйнамиш апIбаан ужудар удукьувалар улупу кIулди живанар тялукь дережйирин грамотйириинди ва пешкешариинди лишанлу гъапIну.