Учу «Табасарандин нурар» газатдин 2-пи апрелихъан вуйи 13-пи нумрайиъ Дагъустандин гьюкуматдин педагогвалин университетдин вахтназ вуди ректорин вазифйир тамам апIрурди ихь ватанагьли, тарихнан илмарин кандидат, Дагъустандин Халкьдин Собраниейин депутат Нариман Асваров дерккуваликан хабар тувнийча.
Думуган Нариман Асваровди багъри газатдиз яркьу интервью тувуз гаф тувнийи, амма цIийи ляхнин вазифйирихъди таниш шули, тешкиллувалин ляхнар кIулиз адагъури, хъа асас вуди университетдиъ гизаф йисари арайиз дуфнайи чарасуз месэл-йир гьял апIувалихъди аьлакьалу вуди, дугъаз мюгьлет шуладайи.
Гьаму гьяфтайиъ узу, аьхирки, дугъахъди гюрюшмиш гъахьунза ва ДГПУ-йин гьамусдин агьвалатнакан, дидин гележегдикан, республикайиъ мялимар гьязур апIбан цирклиъ вахт- ну тIалаб апIурайи дигиш’валарикан ва уьлкейиъ педагогвалин образованиейин макьсадар уьрхбаан кьабул апIурайи уьлчмйирикан сюгьбат гъубхунза. Думу газатдин хьубпи-йирхьубпи машариъ урус чIалниинди туврача.
