Вахтназ вуди Дагъустандин Главайин вазифйир тамам апIурайи Сергей Меликов кIулиъ ади, Дагъустандин делегация 2-5-пи июндиъ Санкт-Петербург шагьриъ кIули гъябгъюрайи Вари халкьарин экономикайин Петербургдин 24-пи форумдиъ иштирак шула. Думу серенжем дюн’яйиъ экономикайин ва бизнесдин важиблу гьядиса дубхьна.
Республикайин делегацияйин дахилнаъ правительствойин членар, региондин министерствйирин кIулиъ айидар а. Форумдиъ хайлин гюрюшар тешкил апIувал, жюрбежюр йикьрариин къулар зигувал планламиш дапIна.
Форумдин натижйириз дилигну, «Газпром газомоторное топливо» ООО-йин генеральный директор Тимур Соиндихъди, региондиъ ригъдин энергетика артмиш апIбан цирклиъ Дагъустандин ва «Хевел» компанияйин дестейин арайиъ йикьрар йитIбанди ву. Гьацира Ярослав областдихъди регионарин арайиъ аьлакьйир яркьу апIбан йикьрариин къулар зигувал планламиш дапIна.
