Аьхиримжи йисари федералин ва республикайин дережйириъди кьабул дапIнайи саб жерге метлеблу программйирин бинайиинди гъулариъ хайлин серенжемар кIули гъахура.

 

 

Гьадму гьисабнаан «Шагьрарин гъулай аьтрафар» метлеблу программайин дахилнаъди Хив райондиъ хайлин жямяаьтлугъ йишвар ккабалгна. Му жигьатнаан тикилишчивалин ляхнар давамра апIура.Гьадму гьисабнаан «Шагьрарин гъулай аьтрафар» метлеблу программайин дахилнаъди Хив райондиъ хайлин жямяаьтлугъ йишвар ккабалгна. Му жигьатнаан тикилишчивалин ляхнар давамра апIура.

Райондин глава Ярмет Ярметовди субут апIурайиганси, гьамусяаьт тялукь серенжемар Асккан Яракк гъулаъ егинди кIули гъахура.

«Улупнайи федералин программа Урусатдин шагьрариъ гьяракатнаъ ади хайлин йисар ву.

2018-пи йислан мина думу программа гъулариъра кечирмиш апIуз хъюгъну. Натижайиъ Хив райондизра тялукь шартIар яратмиш апIуз мумкинвал гъабхьну.

Му программайин бинайиинди улупнайи муддатнаъ Хив райондиъ хайлин дигиш’валар гъахьну.

«Шагьрарин гъулай аьтрафар» программайин дахилнаъди ерли йишвариина жара дапIнайи дакьатар харж апIбаз гьюкуматди кьатI’и рякъяр улупна. Багахь вахтна гъуландариз эрг’вал йивбаз мумкинвалар айи тялукь майдан Мажвгулра ачмиш апIбанди вуча. Дидланра савайи, улупнайи программайин бинайиинди, райцентриъ транспорт дебккру йишвра ккабалгуз фикриъ айич.

Гъулариъ баяр-шубариз хатIасузди уйнамишар гъахбаз гъулай йишв ади хьувал хайлин хъуркьувал ву. Улупнайи программайиъ иштирак хьпан бадали, вахтниинди тялукь дизайн-проект яратмиш апIувал чарасуз лазим ву. Ерли поселенйирин кIулиъ айидари, проектдиъ улупнайи метлебариз асас вуди, дакьатарра жара апIура»,

– къайд гъапIну дугъу.