РД-йин Халкьдин яратмиш апIбарин республикайин Хулан пресс-гъуллугънаан учуз мялум гъапIганси, гъябгъюрайи йисан 3-пи июлиъ Дагъустан Республикайин меркездиъ Урусатдин регионарин ва Каспий гьюлин гъирагъдихъ ерлешмиш духьнайи уьлкйирин халкьдин юкIв али театрарин Варихалкьарин «Аьдатарин театр» фестиваль ачмиш апIбан серенжем кIули гъябгъиди.

Пресс-гъуллугънаан туву мялуматариинди, фестивалиъ иштирак’вал апIуз Казахстандиан, Азер-байжандиан, Ирандиан ва гьацира Урусатдин вари регионариан хялар гъиди.

«Аьдатарин театр» фестивалин дахилнаъди хялар ва республикайин агьалйир халкьдин театрари ва драмайин коллективари гьязур гъапIу жюрбежюр спектаклйирихъди таниш апIиди. Мидланра гъайри, фестивалин программайиъ республикайин шагьрарин ва районарин халкьдин театрари чпин сягьнйир, ва «Театрарин открыткйир» концертдин программара улупиди.

КIваин апIуз ккундучуз, фестиваль июлин 6-пи йигъазкьан давам хьибди.