Гъи гьаму йиз бицIи макьалайиъ узуз студентариз алахьру читинваларикан бикIуз ккундузуз. Узу Мягьячгъала шагьриъ ДГУ-йин филологияйин факультетдин 3-пи курснаъ урхураза. Му кесп йиз адашдин теклифниинди ктабгъуб вуйиз.

9-пи ва 11-пи класс ккудубкIбан кьяляхъ, хайлин жигьилар Урусатдин жюрбежюр шагьрариз урхуз гъягъюру. Душвариъ таниш вуйи кас адарди, пул гьудрубкIри, бегьемди ипIруб адарди шулу. Мягьячгъала шагьриъ узухъди сатIиди урхурайи швнур-сар риш, пул адрувализ лигну, дарсариз ликри гъягъюри, гизаф ражари рякъюъ алахьунзуз. Урхуз гъушу вахтна аьхю шагьрариъ, гьадму гьисабнаан Дагъустандиъра, саб ляхин тамам апIайиз швнуб-сабан дебцну, учв дюз вуш-дарш жара студентарихьан, хъа мумкинвал аш, абйир-бабарихьанра гьерхну, гьарган дугъри фикир апIури, дюзди лик алдабгъури гъузну ккунду.

Студентвалин вахт-варитIан ужуб вяда ву. Думу вахт гьаммишандиз кIваинди гъубзру. Жвув саламатди, сабурлуди гъахури, университетдиъ урхурайиган гъадагъу аьгъювалари гележегдиъ жвуваз кюмек тувруси дапIну ккунду. Студент вахтариси, лихруганра читинвалар алахьиди. Абйир-бабарин гьюрмат уьбхюри, дустарихъди мани аьлакьйириъ гъузну, аьгъювалар гъадабгъбаз вахт гьяйиф дарапIди ужур кеспагьли гъахьи касдиз саб жюрейин читинваларихьанра гучI хьибдар.