Гюльнара Мягьямедова
22-пи сентябри вахтназди Дагъустандин главайин вазифйир тамам апIурайи Федор Щукинди Дагъустан Республикайин террориствализ аькси комиссияйин ва гьяракатнан штабдин сатIи вуйи заседание кIули гъубхну.

Заседаниейиъ региондиъ хатIа-сузвал тямин апIбан месэлйир гьял гъапIнийи.
Дупну ккундуки, республикайиъ хатIасузвал тямин апIбан ляхнин мянфяаьтлувал за апIбан бадали хайлин серенжемар гъахура. Дурар гьавайидар ву пуз шулдар, фицики экстремизмдин терефкрар хайлин ами, ва дурари чпин «битIран кIару кIул» кми-кмиди ккитIибгъуру.

 
Дагъустандин кIулиъ айирин гафариинди, сабпи нубатнаъди энергетикайин, промышленностдин ва транспортдин инфраструктура, гьадму гьисабнаъди гьюлин порт ва аэропорт шлубкьан мюгькамди дюрхну ккунду. Гьюкмин органари ва мяишатари кьабул апIурайи къайда дебккбан вари уьлчмйир къанун уьбхбан ва кьувватнан гъурулушарихъди албагну ккунду.