Гюльнара Мягьямедова
Дагъустандин гъулан мяишатдин ва ипIру-убхъру сурсатарин министерствойи нежбервалин (фермервалин) мяишатарин артмиш’вализ грантар тувбан конкурс гъабхура.

КФХ-йин артмиш’вализ, гъулан мяишатарин сурсат гьясил апIуб гьяракатнаъ ипуз ва гъулариъ лихру йишвар артухъ апIуз жалб дапIнайи проектар уьмриз кечирмиш апIбан бадали, гьюкуматдин терефнаан кюмек тувди.

 
Конкурсдиъ иштирак хьуз ккунидари сентябрин 30-пи йигъ улубкьайиз «Электронный бюджет» ГИИС-диъ (жямяаьтлугъ финансарин идарайин гьюкуматдин сатIи дапIнайи мялуматарин гъурулуш) электронный къайдайиинди аьрзйир тувну ккунду. Аьрзайихъди сабси документарин гъварчра хъади хьуб чарасуз ву: анкета, тартиб дапIнайи бизнес-план, харжарин план, туврайи кюмекнахъди сабси хусуси финансарин дакьатарра айивалин гьякьнаан документ, жилин участокдин эйсивалин документ («зеленка»).
Конкурсдиъ гъалиб гъахьидарин сиягь 1-пи ноябрь улубкьайиз мялум апIиди.

Конкурсдиъ Дагъустан Респуб-ликайин ругариин ляхин апIурайивал гьисабназ гъадагънайи гъулан мяишатдин зегьметкешарихьан ва конкурсдин жара тIалабариз асас вуйидарихьан иштирак хьуз шулу.