1998-пи йисан декабрин 30-пи йигъ вуйи. Узу дадайихъди сатIиди автобусдиъди хулаз гъягъюрайза. Пашманвал, кризис, касибвал – яшамиш хьуз гизаф гъагъиди вуйчуз. ЦIийи йис улубкьурайи, амма учуз я ёлка, я мандаринар, я пешкешар масу гъадагъуз пул адайчуз.     Автобусдиан эдеъну, ликри хулаз гъягъру рякъюъ йиз юлдаш Камилайин адаш алахъунчуз. Дугъу дадайихьан йиз ляхнар...

    Швуваз хъаърайи шураз насигьят тутрувруб анжагъ гъуншдин аьхъиъ дибтIнайи хюни ву. Хъа инсанарин арайиъ баярихьна вуйи гьиссар рякъруган, дурариз уьмур хъапIбан вари асулар аьгъюганси, хиял шулу.     Дишагьлийиз бицIидихъанмина ебхьруб ву: «Яв жилириз гьюрмат апIин, дугъан хал, палат ва ликариин алахьрудар марцциди уьрх. Дугъу гъазанмиш гъапIу пул гьавайиди пуч мапIан. БицIидариз хъайивал...

    Декабрин 23-пи йигъан Урусатдин Президент Владимир Путинди аьхю пресс-конференция кIули гъубхну. Дугъу журналистарин жюрбежюр суалариз жавабар тувну.     Пресс-конференция Владимир Путинди COVID-19 уьзрихъди аьлакьалу тIягъвни Урусатдин экономикайиз гъапIу тясирнакан, агьалйирин арайиъ вакцинация гъабхбан ва Центробанкдин ляхникан вуйи суалариз жавабар тувбиинди ачмиш гъапIнийи. Урусатдин Президентдин фикриинди, тIягъвнин вахтна уьлкейин экономикайин дережа 3 проценттIан...

      22-пи декабриъ РД-йин Халкьдин Собраниейин йирхьубпи сессия кIули гъубшну. Душваъ «2022-пи йисаз ва 2023-2024-пи йисарин планламиш дапIнайи вахтназ РД-йин республикайин бюджетдин гьякьнаан» РД-йин Къанун кьабул гъапIну.     Бюджетдиъ тIау дигиш’валарикан улхури, бюджетдин, финансарин ва налогарин Комитетдин председатель Марат Ильясовди къайд гъапIганси, республикайин бюджетдин гъазанжар 12,1 млрд манатдиинди артухъ гъахьну. Республикайин инвестицйирин...

    Мектеб ккудубкIу жигьил баяри ва шубари кми-кмиди духтирвалин пише ктабгъури, медицинайин институтдик ясана колледждик урхуз кучIвру. Дурарикан гизафдар, абйир-бабар духтрар вуди, бицIидихъан мина гьадму кеспнахъди вердиш вуди шулу, тмундарин, духтирвалин кесп гьюрматлу вуйиб аьгъяди, гьадму пише гъадабгъуз улар хъади шулу, хъа бязидариз чпин багахьлу инсан аьзарлу духьнайи вахтна, духтир вуйиш, кюмек апIуйза, кIуру...

      21-пи декабриъ ДГПУ-йиъ «Табасаран чIал: думу уьбхювал ва артмиш апIувал» ччвур тувнайи форум кIули гъубшну. Душваъ РД-йин Халкьдин Собраниейин депутатар, Табасаран ва Хив районарин кIули айидар, чIалнан зиин лихурайи аьлимар, илмин гъуллугъчйир, гьюкуматдин идарйирин ва табасаран жямяаьтлугъдин вакилар иштирак гъахьну.     Форум Дагъгоспедуниверситетдин ректор вазифйир тамам апIурайи Нариман Асваровдин жягьтлувалиинди тешкил...

    ТIивак гъулан поселение 1995-пи йисан арайиз гъафиб ву. Думу Табасаран райондин варитIан аьхю советарикан саб ву, ва диди шубуб райондин сяргьятарихъди гъуншивал апIура: Гъяйтагъ райондин Рука ва ЖавгъатI гъуларихъди, Дахадаев райондин ятгъарихъди, Дербент райондин КIежух гъулахъди. ТIивак гъулан администрацияйин дахилнаъ шубуб гъул а: ТIивак, ХустIил ва Гурхун. Думу гъулариъ 3400 кас яшамиш шула. ...

    Ктабхъурайи йисан «Ужуб ерийин хатIасуз рякъяр» милли проектдин дахилнаъди Дербент–Хючна–Хив республикайин мяна айи рякъюн Дербент райондин Жалгъан гъул’ан Табасаран райондизди гьидицру йишвхьан зина 16 километрин рякъ рас гъапIну кIури, Дагъустан Республикайин транспортдинна рякъярин мяишатдин министерствойин пресс-гъуллугънаан хабар тувра. Му рякъ, Табасаран райондин центриз гъябгъюрайи асас рякъси, саб манигъ’валра адарди имбуну гъуларизра машин хъапIуз...

    Улихьнаси Дагъ.Огни шагьриъ дуланмиш шулайи жямяаьтлугъ кас, дирбаш бай Фикрет Шихгьяфизов (шиклиъ) кечмиш гъахьну кIури, пашман хабар кубкIунзук.     Фикрет Шихмягьямедович Шихгьяфизов 2019-пи йисхъанмина таниш вуйзуз. Думу «Табасарандин нурар» газатдинра вафалу дуст вуйи.Фикрет Дагъ.Огни шагьриъ Шихгьяфизоварин аьхю хизандиъ бабкан гъахьну. Бедендик сакьатвал кашра, думу хизандиз ва жямяаьтдиз хайирлу кас вуйи. Гьяйифки, Фикрет...

    Коронавирусдиз аькси прививкайин руб йивувалин мянфяаьтлувалин гьякьнаан инсанар гъаврикк ккаъри, гьаму суал хьади узу гизафдарихьна илтIикIунза. Узу гьерхувал гъубху агьалйирин арайиъ 2020-пи йисхъанмина грипп жюрейин уьзур ктрубчIву кас гьич саркьан имдайи. Дурарикан аьзарлу гъахьидарин аьхюну пайну чпик коронавирусдин уьзур кубчIвувал лабораторияйин ахтармишари тасдикь дапIнайиваликан гъапнийи. Хъа тмуну пайну, гъагъиди аьзарлу гъахьнушра, чпи духтрихьна...