Гьаму йисан гьяждиз гъягъюз ккунидари коронавирусдиз аькси руб йивну ккунду. Дидин гьякьнаан Саудовский Аравия Паччагьлугъдин агьалйирин сагъламвал уьбхбан министерствойиан мялумат тувну.   Гьаци вуйиган, Меккайиъ ва Мединайиъ гирами йишвариз гъягъюз ккунидарихь COVID-19-диз аькси вакцинайин руб йивувал тасдикь апIурайи документ-справка хьади ккунду. Гьаддихъди сабси, менингитдиз ва гъатху цIийир гъюбан уьзрариз аькси прививкйир апIбан гьякьнаан вуйи...

  Мартдин 10-пи йигъан Мягьячгъалайиъ «Дагъустандин медицина: тIалабар ва къарарар» ччвур тувнайи илимдинна тажрубайин медицинайин форум кIули гъубшнийи. Форумдин пленарный заседаниейиъ вахтназ вуди Дагъустандин Главайин вазифйир тамам апIурайи Сергей Меликов, РД-йин Правительствойин вакилар, Москвайиан дуфнайи хялар, медицинайин жара идарйирин кIулиъ айидар иштирак гъахьнийи.   Серенжем ачмиш гъапIу Дагъгосмедакадемияйин ректор Сулейман Маммаевди къайд гъапIганси, форум вахтназ...

    Гьюрматлу дишагьлийир!   Хьадукран сабпи машквар учвуз бахш дапIна. Дюн’яйиъ уьмур дишагьлийи хулан марцакк уьбхюрайи манишниинди, берекетниинди, сабурлувалиинди, веледариз гьар йигъан туврайи тербияйиинди ва зигурайи зегьметниинди давам шула. Ичв ккунивали ва хъайивал апIуз аьгъювали багахьлуйириз кьувват тувра, учву лихурайи гьарсаб цирклиъ хъуркьувалар гъадагъурачва, варитIан читин месэлйир рягьятди гьял апIурачва. Гьаму 8-пи Мартдин машкври...

  Мартдин садпи йигълан башламиш дапIну, РФ-дин Федерацияйин Советдиъ Дагъустан Республикайин Йигъар ккергъну. Думу йигъар ДАССР арайиз дуфну 100 йис тамам хьпаз бахш дапIнайидар вуйи.   Думу Йигъарин дахилнаъди, вахтназ вуди РД-йин Главайин вазифйир тамам апIурайи Сергей Меликов иштирак духьну, Федерацияйин Советдин федеративный гъурулуш дюзмиш апIбан, регионарин политикайин, ерли самоуправлениейин ва Кафари терефнан ляхнарин Комитетдин...

  Урусатдиъ 8-пи Март вари халкьарин дишагьлийирин Йигъси къайд апIура, ва думу дилихру йигъ ву. Шагьрарин кючйириъ булди кюкйир масу туври шулу, успагьиди дабалгнайи дишагьлийир ва кюкйирин кунцIар хьайи жилар рякъюру. Му йигъ фу себеб ади тяйин гъапIуб вуш, гьамус гизафдарин кIваинди имдар. Хъа сифте кIул’ан 8-пи март, дишагьлийири чпин ихтиярар уьрхюри, митингар тешкил апIру...

  Табасаран дишагьлийир вари дюн’яйиз халачйириинди машгьур гъахьну. Табасаран вуза гъапиган, имбу халкьарин вакиларин фикриз сабпи нубатнаъди халачи гъюри шулу. Газат урхурайидар дишагьлийирин Йигъан гъаншариъ, зат яваш дарди, гьамусяаьтдира халачи убхурайи табасаран дишагьли Рима Агъабеговайихъди таниш апIуз ккун гъабхьунзуз.   Рима Агъабегова Хив райондин ГъуштIларин гъулаъ гизаф бицIидар айи Мирзакеримдинна Жюмъайин хизандиъ бабкан гъахьну. Гьеле...

  Мялум вуйиганси, табасаранаригъ халачийин ужудар, мяналу чешнйир каърудар асас вуди художникар ву. Художникдиз зигурайи шиклиъ ясана капIрайи халачийин чешнейиъ атIабгурайи гьарсаб накьишдин аьхю мянйирикан хабар а. Гьацдар касарикан сар – ихь ватанагьли, Хив райондин Мажвгул гъул’ан вуйи, Мягьячгъалайиъ яшамиш шулайи, республикайин меркездиъ ерлешмиш дубхьнайи халкьарин милли культурайин Центрин директор Шагьнабат Аьлимягьямедова (шиклиъ) ву.  ...

  Улубкьурайи вари дюн’яйин дишагьлийирин Йигъахъди аьлакьалу вуди, хайлин йисари Ватан уьбхюрайи эскрарин жергейиъди ляхин апIури гъахьи дирбаш дишагьли, старшина Сабият Абакаровайикан (шиклиъ) дибрикIди гъибтуз шулдар. Сабият 1971-пи йисан Табасаран райондин НичIрас гъулаъ бабкан гъахьну.   Мектеб ккудубкIбалан кьяляхъ, дугъу Дагъустандин Огни шагьриъ яшамиш шулайи, Гъуярик гъул’ан вуйи Максим Абакаровдихъди хизан ккебгъру. Эвленмиш хьпан кьяляхъ...

  Йисак варитIан уткан вахт хьадукар ву, хъа инсаниятдин вакиларик варитIан уткандар – дишагьлийир. Хьадукран сифте гюзел йигъарра дишагьлийирин 8 Март машкврилан ккергъру.   Аьдат вуйиганси, гьар йисан ихь уьлкейиъ дишагьлийирин 8-пи Мартдин машквар къайд апIура. Дидихъди тебрик апIури, сабпи нубатнаъди узу Дагъ. Огнийин ЦГБ-йин кIулин духтир Жамиля Важибовайихьна илтIикIнийза. Цци 11-пи мартдиъ дугъан, му...

    1986-пи йисхъан мина гьар йисан мартдин 3-пи йигъан, дюн’яйин гизаф уьлкйириъси, Урусатдиъра вари дюн’яйин писателин Йигъ къайд апIура. Ужуди урхуз ва гъалатIар ктарди бикIуз гъудубгъишра, эгер инсандик бажаранвал ктарш, дугъкан писатель ясана шаир шулдар. Шаир – гафнан устад ву, дугъаз чав дюзди хъабалгну кIурайи гафариинди инсанарин фикир чаина жалб апIуз аьгъюди кккунду.  ...