Улубкьнайи йисан 7-пи февралиъ, РД-йин сагъламвал уьбхбан министрин тялукь къарарниинди, вахтназ вуди Хив ЦРБ-йиъ кIулин духтрин вазифйир тамам апIрурди Индира Багъичева дерккну. Индира Багъичевайиз (шиклиъ), райондин сагъламвал уьбхбан цирклиъ баркаллуди зегьмет зигбаз лигну, жямяаьтлугъдин арайиъ аьхю гьюрмат а. Думу 1994-пи йислан мина райондин агьалйирин сагъламвал уьбхбан гъаразнаъ дийигъна. Индира Багъичева му жавабдар гъуллугъниин...

    Цци, январин вазлин эвелиъ, Аьгьмед Насировди бабкан духьну 75 йис къайд гъапIну. Му ччвур Табасаран райондин агьалйириз ужуди аьгъя, фицики Агьмед Насиров хайлин вахтна райондин жавабдар гъуллугъариъ гъилихну. Думу гизафдариз сабурлу, инсанарихъди гаф-чIал апIуз аьгъю, гьюрмат уьбхру касси таниш ву.     Насиров Аьгьмед Рамазанович 1947-пи йисан 1-пи январиъ Табасаран райондин Цухдигъ гъулаъ...

    Ккудубшу 2021-пи йисан 15-пи декабриъ, РД-йин образованиейин ва илмин министерствойин приказдиз асас вуди, Дербент райондин образованиейин управлениейин гъуллугъниин улихьди хайлин вахтна му гъуллугънаъ гъилиху Сона Гьяжибегова тяйин гъапIну.     Гьяжибегова Сона Аьбдуллаевна 1969-пи йисан 25-пи августдиъ Дербент шагьриъ бабкан гъахьну, хъа дугъан сихил Табасаран райондин ТIюрягъ гъул’ан ву. Заан аьгъювалариинди Дербент шагьрин...

      9-пи февралиъ вахтназ вуди РД-йин Правительствойин председателин вазифйир тамам апIурайи Аьбдулмуслим Аьбдулмуслимовдин регьберваликкди промышленностдин сурсатарин къанунсуз алвер апIбаз аьксивал улупбан комиссияйин ВКС-дин къайдайиинди заседание кIули гъубшну.   Думу ачмиш апIури, Аьбдулмуслим Аьбдулмус-лимовди къайд гъапIганси, республикайиъ ипIру-убхъру сурсатар, палат ва ликариин алахьрудар, арагъи, спирт кайи, тембекуйин ва гьацдар жара сурсатар къанунсузсди, маркйир алдарди...

    Нубатнан 2022-пи йис улубкьну, амма, аьдат вуйиганси, му вахтна ухьу гъубшу йисан гъапIу ляхниз кьимат тувурхьа, гъазанмиш гъапIу хъуркьувалар ва кIваъ бина диву ужувлан ляхнар уьмрин тарихнаъ гьаммишандиз мюгькам апIуз чалишмиш шулхьа. Хъа гьял дарапIди гъузу месэлйири, гьелбетда, ухьуз сикинвал туври шулдар. Чан ляхниз вафалу касди цIийи йисан думу месэлйир сабпи нубатнаъди гьял...

    Дагъустан Республикайин гъулан мяишатдин цирклариъ багъбанчивали ужудар хъуркьувалар улупура. Мисал вуди гъадабгъиш, ккудубшу йисан республикайиъ сабпи ражари вуди 200 агъзуртIан артухъ тонна йимишарин бегьер уч гъапIну. Думу кьадар 2020-пи йисантIан 9,9%-дин артухъди ву. Мидланра гъайри, Дагъустандиъ гьар йисан уч апIурайи гилар айи йимишарин кьадарра, хъа гизафси мишмишарин, Урусатдин регионарин арайиъ варитIан гизаф ву...

  Ккудубшу йисандин натижйириинди, Дагъустан Республикайиъ саки 500 агъзурихьнакьан инсанари налогар тувруган, 320 миллион манатдин льготйир ишлетмиш гъапIну кIури, Федеральный налогарин гъуллугънан Дагъустан Республикайиъ айи управлениейин пресс-гъуллугънан начальник Багьаудин Аьлиевди мялум гъапIну.     Дугъан гафариинди, улупнайи кьадар льготйирикан 86 агъзур касари транспортдин налогдин льготйир (63,4 млн манат), саки 221 агъзур касари жилилан туврайи налогдин...

    Уьлкейин духтрарин ва аьлимарин улупбариинди, коронавирусдин цIийи штамм чпин яш 65 йис хьайиз вуйи инсанарин ва дидихьна иммунитет айидарин, яна улихьнаси коронавирусдиан аьзарлу гъахьидарин вая дидиз аькси прививка гъапIдарин, арайиъ гъагъи гьялназ дяргъиди улдубчIвуру. Хъа вакцинайин руб дириву ватандашарик уьзур 10 ражари артухъди гъагъи гьялназ гъюрайивалин дюшюшарра алахьуру.   Гъийин йигъан инсанари чпи...

    Табасаран райондиъ бицIидариз ва живанариз коронавирусдиз аькси рубар йивуз хъюгъна. Улихьна йигъари райондин больницайиз «Гам-КОВИД-Вак-М» вакцинайин 80 руб гъахну. Дурар 12 йислан 17 йис’ина яшар айи баяр-шубариз йивуз улупнайидар ву. Дидин гьякьнаан Табасаран райондин ЦРБ-йин эпидемиологияйин отделин заведующий Мягьямед АгъатIаевди мялум гъапIну.   Дугъу къайд гъапIганси, бицIидариз вакцинайин рубар йивувал чпин хушниинди ва...

    Дагъ. Огни шагьрин ЦРБ-йин эпидемиолог Эрада Бедьятовайи, арайиз дуфнайи эпидемиологияйин читин гьял фикриз гъадабгъну, шагьрин образованиейин тешкилатарин ва жара идар-йирин кIулиъ айидарихьна газатдин машариантина саб жерге табшуругъар хьади илтIикIура. Дурар исихъ туврача: – коронавирусдин омикрон штаммдиан аьзарлу духьнайи ва ОРВИ-йин уьзрар кайи бицIидар, урхурайидар, студентар, гьацира идарйирин гъуллугъчйир вахтниинди жара апIуб, коллективариз гъюз...