Гюльнара Мягьямедова Хизан фунуб девринра, жямяаьтлугъдинра бицIи пай, десте ву, гъапну Индияйин писатель, шаир, художник, жямяаьтлугъ кас Рабиндранат Тагори. Хъа аьдати гафариинди кIуруш, хизан сатIиди яшамиш шулайи ва чиб-чпин гъайгъушнаъ айи багахьлу инсанарин десте ву. Аьдати хизан адашдикан, дадайикан ва дурарин бицIидарикан ибарат шула. Хъа табасаранарин хизанар кюгьне вахтарихъанмина аьхюдар шули гъахьну. Хизандиъ адашна дадаси,...
Мейлан Нежефов 1-пи апрелилан ккебгъну 15-пи июлизкьан давам шулайи хьадукран призывдин дахилнаъди Хив райондиан Урусатдин Яракьлу кьувватарин жергйириз ктабхъурайи гьяфтайи ургурсан жигьил гьаъну. 2-пи июли райондин главайин заместитель Мирзабег Багъичевди, Хив ва Агъул районарин дявдин комиссар Сулейман Гьюсейновди, военкоматдин гъуллугъчйири, абйир-бабари ва багахьлуйири му жигьил баяр, ягъур ибшри дупну, насигьятнан гафариинди рякъ’ин гъапIнийи. Бай...
Умгьанат Сулейманова Живанвал – му инсандин уьмриъ варитIан жавабдар, варитIан гизаф учIру месэлйир алахьру вахт ву. Му вахтна инсан, гьаммишан саб фукIа цIийиб абгури, жандин сагъвал ва рюгьнан заанвал артмиш апIури, чаллан илтIикIнайи аьламдихъди барашмиш’валин дережа за апIури, гьяракатнаъ шулу. Гьаддиз му вахтна, живандиз ужуб тербия тувну, дугъан хасиятнаъ хуш гъиллигъар тIауб ва дугъкан вари...
Умгьанат Сулейманова Ватандин Аьхю дявдикан улхруган, гъалибвал багахь гъапIу игитар кIваин дарапIди, дурарин ватанперверваликан, гьунарарикан аргъаж шулайи насларихьна мялуматар дурукьди гъитуб ярамиш вуйи ляхин дар. Гьяйифки, му къурхулу дявдин гъалибвалик пай киву, дявдин женгарин читин рякъяр ккадау игитар ихь арайиъ сар-кьюрра имдар. Думу вахтна совет халкьдин вакиларихъди женгариъ хайлин табасаран баярра иштирак гъахьну. Дурарикан сар...
Гюльнара Мягьямедова 23-пи июндин гьядисйири ухьу вари мюгьтал ва пашман гъапIну. Аьхиримжи йисари терактар адарди яшамиш шулайи республикайиъ хъана ишларин гьарай абхъну. Дагъустандин машгьур шаир Фазу Аьлиевайи гъапиганси, наънанди гъитIибху гюллера дадайин кIвак кубкIру. Жигьилар йихруган, дадйирин кIваъ дерднан учIврушин абхъру, жигьил дишагьлийир ачIни шулу, хъа йитим бицIидарин сиягь ярхи шулу. Гьаму кьадар инсанариз дердна...
Гюльнара Мягьямедова Гъи гизафси дюн’яйин гележег жигьиларикан асиллу шула. Гъийин йигъаз жигьилари дюн’яйиин али халкьдин 30 процент тяйин апIура. Гьаци вуйиган, гележегдиъ дурар уьлкйирин экономикайин ва политикайин, яшайишдин ва культурайин циркларин артмиш’валарин кIакIнаъ хьиди. Кюгьне вахтарихъанмина, ихь абйир, адшар жигьилди вуйиганра, жямяаьтлугъдик жигьиларин месэлйири гъалабалугъ кипри гъабхьну. Фицики ихь ата-бабйириз аьгъя: думу вахт инсанди чан...
Гюльнара Мягьямедова 27-пи июнди Дагъустандин Глава Сергей Меликов июндин 23-пи йигъан террористарихъди женг гъабхуз кюмек гъапIу къанун уьбхру органарин вакиларихъди ва ерли агьалйирихъди гюрюшмиш гъахьнийи. Теракт гъабхьи йигъан гъуллугънаъ адру къанун уьбхру органарин вакиларра чпин гъарашугъариз террористар терг апIуз кюмекназ гъафнийи. Гюрюшдиъ Мягьячгъалайиъ Кафедральный соборин багахь террористарихъди женг гъабхурайи вахтна спецназдин кьушмариз ва полицияйин вакилариз...
Гюльнара Мягьямедова 19-пи июнди Дагъустандин Глава Сергей Меликов Урусатди Украинайиъ гъабхурайи хусуси метлеб айи дявдин операцияйин иштиракчйирин хизанарихъди гюрюшмиш гъахьнийи. Республикайин кIулиъ айири Ватан бадали жан туву дявдин гъуллугъчйирин суратарин улихь кюкйир дивну, дурарихьна вуйи чан гьюрмат улупну. Дугъу правительствойин, депутатарин ва халис ватанагьлийирин терефнаан гъийиху эскрарин хизанариз башсагълугъвал ккун гъапIнийи. «Жарарин дерднахьна вижнасузди...
Мейлан Нежефов Ватандин Аьхю дяви ккудубкIну, цци 78 йис тамам гъабхьну. Амма гъира дявди ихь абйир-бабарин кIваз гъахи зийнар сагъ духьнадар. Дявдин учIврушин саки вари хизанарик кубкIну, ва шлин абайин, шлин адашдин, шлин жилирин, шлин чвуччвун, хъа шлин халуйин уьмур ужубсиб вахтна кьатI гъапIну. Йиз макьала гьадму Ватандин Аьхю дявдин йисарин веледарин кIваин апIбариз бахш...
Гюльнара Мягьямедова Ихь уьлкейиъ 22-пи июнь Пашманвалин ва кIваинди уьбхбан йигъ вуди къайд апIуру. 1941-пи йисан СССР-иина фашистарин Германия алжагъну, Ватандин Аьхю дяви ккебгънийи. Гьамдиинди, 1939-пи йисан 1-пи сентябриъ Польшайиин миллетчи Германия алжагъувалиинди ккебгънайи дюн’яйин кьюбпи дявдиъ СССР-ра убчIвнийи. Ватандин Аьхю дяви ккебгъруган, дюн’яйиъ дявдин фигъан атIабгнайи. 22-пи июнь читинуб шлуваликан военный гизаф гъуллугъчйириз...
