Зубайдат Шябанова Роспотребнадзорин РД-йиъ айи Управ-лениейин улупбариинди, Дагъустандиъ айи бицIидари рягьятвал гъадабгъру хьадан 240 лагерикан 227 лагерь бицIидар кьабул апIуз гьязурди а. Имбу 13 хьадан лагерь санитарияйинна эпидемияйин тIалабариз жаваб туврайивал тасдикь апIру кагъзариз ккилигура. Гьамусяаьт Роспотребнадзори сагъламвал мюгькам апIру ва рягьятвал гъадабгъру хьадан лагерарин санитарияйин аьгьвалат ахтармиш апIру экспертиза гъабхура. Мидланра гъайри,...
Зубайдат Шябанова Гьар йисан майдин вазлин шубудпи элгьет вари дюн’яйиъ СПИД уьзриан кечмиш гъахьидар кIваина хру йигъ вуди къайд апIури шулу. Гъябгъюрайи йисан думу йигъ 19-пи майдиин алабхъну. Гьадму йигъаз тялукь вуди уьлкейиъ гъахурайи профилактикайин серенжемарин дахилнаъди учура, нубатнан ражари, му уьзри инсаниятдиз туврайи хатIайикан ва зарарнакан ктибтурча. ВИЧ-инфекция тарабгъувализ аькси женг хъуркьувалиинди...
Зубайдат Шябанова Улихьна йигъари Мягьячгъала шагьриъ республикайин шахматарин хулаъ «Адаш, дада, узу – шахматариин юкIв али хизан» ччвур али республикайин шахматарин турнир кIули гъубшну. Талитариъ гьарсаб командайиъ хизандин кьюр кас ади ккундийи — веледна адаш вая дада. Спортдинна зигьим артмиш апIбан талитарин натижайиъ сабпи йишв Табасаран райондин НичIрас гъул’ан вуйи Мукаиловарин хизанди гъадабгъну. Кьюбпи...
Шарафудин Дашдемиров, Гюльнара Мягьямедова Дагъустандин халкьдин шаир, лезгйирин машгьур ашукь СтIал Сулеймандин ччвурнахъди ихь Дагълу уьлкейин литература арайиз гъюбан ва артмиш хьпан саб кьадар девир аьлакьалу ву. Му шаир фагьум-фикрин, зигьмин, азадвалин, мюгьюббатнан, дуствалин ва сабвалин лишнарин чешне ву пуз шулу, думу кас гьацира ашкьвариз, шаирариз ва писателариз яратмишарин яркьу рякъ улупру аку хядраз ухшар...
Зубайдат Шябанова Варидюняйин кьюбпи дяви инсаниятдин тарихдиъ варитIан аьхю ва гъизгъин дявиси гьисаб дапIна. Дидин асас пай вуйи Ватандин Аьхю дявдиъси гизаф кьадар инсанар гъийиху дяви гьелелиг сабра гъабхьундар. ВаритIан гъагъи дюшюшариъ ихь уьлкейин эскрари вари халкь мюгьтал, гьяйран ва русвагь апIури, душмнарихъди женг гъабхуз халкьдин рюгь гужал хьуз гъибтру игитвалар апIури гъахьну. Думу дявдин...
Гюльнара Мягьямедова Ихь уьлкейиъ пионерарин тешкилатдин ляхин 1990-пи йисан хъябкьнийи. Календарариан 19-пи майди къайд апIру пионерарин тешкилатдин йигъра адабгънийи. Амма аьхю яшнан инсанарин думу йигъ кIваълан гъубшундар. 19-пи майдиъ Советарин Союздин деврин инсанари пионерарин йигъахъди чиб-чпи тебрик апIури, пионерарин деврин шиклар хътауру, думу йигъ фици къайд апIури гъахьнуш, хябяхъдин вахтнаъ пионерари кабхьнайи цIихъ апIру мяълийир,...
Наргиз Гюлечова 23-пи майдиан 25-пи майдизкьан Каспийск шагьриъ ерлешмиш дубхьнайи «Анжи Арена» стадиондин аьтрафариин нубатнан ражари Вариурусатдин жинснан марччаринна цIигьарин XXIV выставка кIули гъябгъиди. Дагъустан Республикайин гъулан мяишатдин ва ипIру-убхъру сурсатарин министерствойин пресс-гъуллугънан кIулиъ айи Мягьямед Аьбдуллаевди туву мялуматариинди, выставкайиъ иштирак хьуз пландиъ ади аьрза туврайи жинснан малар уьрхюрайи мяишатарин кьадар гьар йигъан цIийи...
Наргиз Гюлечова Тахил Гьаму йисан Дагъустан Респуб-ликайин гъулан мяишатдиъ гьясил апIурайи мягьсуларин кьадар 490 агъзур тоннайиинакьан за апIуз планариъ айиваликан региондин гъулан мяишатдин ва ипIру-убхъру сурсатарин министерствойин пресс-гъуллугънаан хабар тувра. Ккудубшу йисан республикайин хутIлариан уч гъапIу мягьсуларин кьадар 485,5 агъзур тонна вуйи. Министерствойин пресс-гъуллугънан мялуматариинди, чвлин вазари гъурзу хутIларин кьадар 90 агъзур гектартIан артухъ, хьадукран...
Гюльнара Магомедова Табасаран райондин глава Мягьямед Къурбанов 14-пи майди Мягьячгъалайиъ Расул Гьямзатовдин ччвурнахъ хъайи Дагъустандин гьюкуматдин педагогвалин университетдиъ урхурайи муниципалитетдиан вуйи студентарихъди гюрюшмиш гъахьну. Гюрюшдиъ ДГПУ-йин ректор Нариман Асваров, проректор – образованиейин ерийиз кьимат тувру управлениейин кIулиъ айи Мурад Рашидов, Табасаран райондин образованиейин управлениейин начальник Аьбдусалам Гьясанов, тарихдин илмарин доктор, Урусатдин Федерацияйин ва Дагъустан Республикайин...
Гюлягьмад Маллялиев Украинайин жилариин кIули гъябгъюрайи хусуси метлеб айи дявдин операцияйи, учв гьелелиг аьхирихъна дуфнадаршра, ихь уьлкейин тарихдиъ чан лайикьлу йишв гъибисну. Му дявдин гьяракатариъ урусатдин эскрари чпин жюрэтлувалиинди бикIурайи китабдин машариъ табасаран миллетдин вакиларира чпин аку шил гъибтна. Гъи вари уьлкейиз табасаран эскрарин кIубанваликан хабар дубхьна, дурарин дирбаш’вали вари мюгьтал дапIна. Урусатдин Игит ччвурназ...
