Мейлан Нежефов Гьаму йигъари Хив райондиъ, тарихдиъ сабпи ражари вуди, гьяйвнар жаргъбаан талитар кIули гъушну. Дурар Хив райондин администрацияйи, «Даглар» ООО-йи ва ва хусуси предприниматель Багьатиловди тешкил гъапIдар вуйи. АрхътIан Хивна гъябгъюрайи рякъюн гъвалахъ хъайи хутIлиз талитариъ иштирак хьуз Кьибла Дагъустандин районариан чпин гьяйвнариинди къарилан зина атлуйир гъафнийи. Дурариз тамаши апIуз кьюдварждихьна гьевескрарра...
Гюльнара Мягьямедова Коронавирусдин уьзур тарабгънайи вахтна гьюкуматдин терефнаан бицIидар хъайи хизанариз пулин жюрбежюр кюмекар тувуз хъюгънийи. Пулин думу дакьатар тяйин апIбан бадали, Госуслуги порталиъ, ясана Пенсионный фонднан сайтдиъ аьрза гъитувалтIан лазим дайи, цIиб вахтналан банкдин карточкайиина пул гъюйи. Гьюкуматдин терефнаан вуйи пулин кюмек, аьдат вуйиси, саб ражари тувруб ясана касибвал кайивализ дилигну, улупнайи кьадар...
Зубайдат Шябанова Августдин аьхиримжи йигъари Табасаран райондин Хючна гъулаъ айи культурайин хулаъ мялимарин августдин совещание гъабхьнийи. Совещаниейиъ райондин ва гъуларин кIулиъ айидар, мектебарин директорар, мялимар иштирак гъахьну. Совещание ачмиш апIури, райондин кIулиъ айи Мягьямед Къурбановди вари мялимар улубкьурайи цIийи урхбан йисахъди тебрик гъапIнийи ва аьхиримжи вахтна райондин образованиейин цирклиъ духьнайи дигиш’валарикан, арццрайи цIийи мектебарикан...
Мейлан Нежефов Ихь уьлкейин саки вари шагьрариъ ва районариъ урхбан цIийи йис ккебгъайиз август вазлин аьхиримжи йигъари мялимарин конференцйир кIули гъахури аьдатнаъ абхъна. Гьаци, 29-пи августдиъ Хив райондин РКДЦ-йин дараматдиъ тялукь конференция гъабхну. Уч духьнайидарин улихь образованиейин отделин начальник Назаряли Тарланов удучIвну гъулхнийи. Чан маракьлуди гьязур дапIнайи докладдиъ дугъу ккудубшу урхбан йисандин ГИА-йикан,...
Гюльнара Мягьямедова Хьадан тятIилар аьхирихъна дуфна, 2023-2024-пи йисандин урхбан йис ккебгъра. 1-пи сентябрихъан мектебариъ урхурайидариз ва мялимариз жюрбежюр дигиш’валар ккилигура. Августдин вазлин эвелиъ Урусатдин Президент Владимир Путинди «Урусатдин Федерацияйиъ образованиейин гьякьнаан» къанундиъ дигиш’валар тIау федеральный къанундиин къул гъизигну. 2023-пи йисан 1-пи сентябрилан башламиш дапIну, мектебариъ бицIидариз зегьмет зигуз, жямяаьтлугъ ляхнариъ иштирак хьуз улупиди,...
Гюлягьмад Маллялиев УлдубчIвурайи гьяфтайин эвелиъ, 21-пи августдиъ, республикайин жямяаьтлугъ уьмриъ важиблу гьядиса гъабхьну – республикайин кIулиъ айидар цIийиди кадагънайи Жямяаьтлугъ палатайин ва гьацира республикайин жямяаьтлугъ тешкилатарин вакиларихъди гюрюшмиш гъахьну. Думу гюрюшдиз парламентдин депутатаризра, районарин ва шагьрарин кIулиъ айидаризра дих гъапIнийи. Серенжемдиъ асас удучIвну улхуб республикайин кIулиъ айи Сергей Меликовдин вуйи. Дугъу, лизибдиз лизиб, кIарубдиз кIаруб...
Зубайдат Шябанова Гьаму йигъари Южно-Сухокумск шагьрин администрацияйин главайин заместителин гъуллугъниина ихь ватанагьли Минажат Рягьимовна Мурадова тяйин гъапIну. Дугъу муниципалитетдиъ социалин циркил кIули гъабхиди. Минажат Мурадовайин кандидатура думу гъуллугънаъ Дагъустандин правительствойиъ тасдикь гъапIнийи. Минажат Мурадова 1964-пи йисан Табасаран райондин Дагъни гъулаъ бабкан гъахьну. Дугъу ДГУ-йин филологияйин факультет ккудубкIну. 1991-пи йислан 2000-пи йисаз Туркменистан Республикайин Теджен...
Зубайдат Шябанова Гьар йисан 22-пи августдиъ Урусатдин Федерацияйиъ Гьюкуматдин пайдгъин йигъ къайд апIуру. Му йигъахъди республикайин ватандашар Дагъустандин глава Сергей Меликовдира тебрик гъапIну. Вари уьлкейиъси, республикайин районариъра машквриз тялукь серенжемар кIули гъухну. Машквар йигъан Табасаран райондиъ Ургур чвуччвун ва сар чуччун гъалайин аьтрафариин Урусатдин гимндин мукьмихъди лап аьхюди гьязур дапIнайи гьюкуматдин пайдагъ ккатIабццну. Думу...
Гюльнара Мягьямедова Дагъустандиъ машинар гъягъру рякъяриъ кми-кмиди гъагъи аварйир шулу. Себеб саб ву – рякъюнна транспортдин гьяракатнан бязи иштиракчйири улупнайи къайдйир тамам дарапIрайивал. 2023-пи йисан 17-пи августдиъ гвачIнинган сяаьт йирхьубдиъ Къарабудагъкент райондиъ «Кавказ» машинар гъягъру федеральный рякъюн 848-пи километриъ 54 йисаъ айи касди хъапIрайи «Хонда» машин гъаншарди машинар гъюру рякъюн зулиз удубчIвну, думу рякъюъди...
Гюльнара Мягьямедова 22-пи августдиъ Дагъустандин Глава Сергей Меликов улихьнаси Кумтургъала райондиъ автосервисдиъ тIубкIувалин натижайиъ зарар гъабхьидариз кюмек тувбан месэлйир гьял апIбан бадали, республикайин рягьимлувалин фондарин кIулиъ айидарихъди гюрюшмиш гъахьнийи. Гюрюшдиъ гьюкмин органарин ва гьюкуматдин «Вари сатIиди» фонднан вакиларра, рягьимлувалин «Туба» мобильный приложение яратмиш гъапIдарра иштирак гъахьнийи. Сергей Меликовди тIубкIувалин натижайиъ зарар гъабхьи хизанариз кюмек...
